الرئيسيةس .و .جالتسجيلدخول

شاطر | 
 

 طق يا مطر

اذهب الى الأسفل 
كاتب الموضوعرسالة
messi * 10
عضو جديد
عضو جديد


تاريخ التسجيل : 02/07/2011
العمر : 27

مُساهمةموضوع: طق يا مطر   السبت يوليو 02, 2011 11:52 am

رقت كل الناس من أجل عينك . . .
...حتى مع قلبي ~ عشانك تفارقت !

والحين ويني عن حياتك ووينك ؟
...فارقتني وماهمّك إني تضايقت .

{ ودّعتني } يا جعل ربّي يعينك |
...ومع المشاكل في فراقك تعانقت . .











ما رِجَع ؟ سألوا عليه يمكن إنه فيه شي .
______________ غيبته عنّي { غريبه } روحوا جيبوا لي الخبر :



والله ماهي عادته أيّام ما يسأل علي !
______________ حجة الغايب معاه . . بس . . مافيني صبر .



لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !


أكذِب إن قلت الليالي في غيابه : هي / هي
______________ ويَصْدِق إن قال المفارق راح يسبّب لي : قهر


قلبي حيل إشتاق له وحبي له ماهو [ شوي ] :
______________ مثل صحرا أنتظر . . طق يامطر | طق يامطر .


في وداعه ، كنت أمسك راحتي براحة إيدي
______________ لين شفته بعيد عنّي .. كنّي ماسك لي : جمر !



ظلمه هالدنيا بدونه مابها نورٍ و { ضي } .
______________ ليش سافر عن عيوني ؟ يعني وشفيه السفر !



من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .



الشعر : أفضل وسيله توصِف إللي صار بي . .
______________ وإلا أنا ماكنت أصلًا فاضي وحول الشعر !










لا تسولف لي عن { جْروح الليالي } . .
وإنتْ قلبي .. ياما داواك ، وخدعته !

إيه أنا صابر .. لأنك : حيل غالي ،
ولو أحد ثاني مكانك ؟ - كان بعته .
الرجوع الى أعلى الصفحة اذهب الى الأسفل
 
طق يا مطر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابداع كوم :: الساحة الثقافية و الترفيهية :: الساحه الادبيه :: الشعر والخواطر والحكم-
انتقل الى:  
Powered by phpBB © Copyright ©2008 - 2011
AHLAMONTADA Enterprises.
التعليقات المنشورة لا تعبر عن رأي الإدارة ولا نتحمل أي مسؤولية قانونية حيال ذلك (ويتحمل كاتبها مسؤولية النشر)