درس - مسجد - تنظيم - مواقف وعبر .. تفتكروا إزاى ؟؟

السلام عليكم جميعا يا شعب يوسف الصحابى
السلام عليكم يا رفقه الدرب ...يا احلى اخوه شرفت بها سواء كنت اعرفكم او لأ ... !!!
أكيد اللى حيقرأ كلامى حيفتكر فى البدايه ان مقتصر على البنات او الشباب اللى بتنظم للدرس الاخ مصطفى يوم الاربعاء
لكن فى الحقيقه انا نفسى ان الموضوع ده ياخد هدفين
الاول : ان الاخوه والاخوات اللى بينظموا يكتبلوا بعد كل درس الموقف اللى اتعرضوا ليه وايه اللى مر عليهم جديد جوا المسجد ممكن اننا نستفيد منه او حتى نتجنبه فى الحياه

الثانى : ان باقى الأخوه والاخوات اللى معانا فى المسجد يعرفوا اد ايه احنا محتاجيم مجهودهم معانا مش لازم يبقوا لابسين شاره التنظيم كفايه انهم معانا وحاضرين من غيرهم مش حيكون فى درس اصلا ولا انا غلطانه ؟؟؟؟

فمستنيه ان كل الشباب والبنات اللى معايا فى التنظيم يكتبوا وان كمان الشباب والبنات اللى معانا فى الدرس او المنتدى يعلقوا يقترحوا وحتى يهجموا علينا بس براحه

وعموما حبدأ بموقف حصلى امبارح لان ده اللى خلانى افكر فى موضوع الكتابه بصراحه
كنت واقفه براقب الموقف كعادتى يعنى
وجت سيده فاضله فى الثلث الاخير من الدرس ويادوب اختارت اول مكان قريب اول ما دخلت
طبعا عندنا فى البنات منظمين ان مافيش جلوس على السلالم او المداخل عشان ده فى وقت الطوارىء لا قدر الله يكون فاضى
المهم فقربت منها وببتسم وبقولها كذا وكذا
بصراحه استجابت بس اتكسفت تطلب منى كرسى فقلتلها ثوانى اجيب لحضرتك واحد
قالتلى مش عايزه اتعبك قلتلها لأ عشان ترتاحى
المهم لما جبت الكرسى وجيت عارفين قالتلى ايه ... ربنا يباركلك فى صحتك يا بنتى
عارفين ليه ؟؟؟؟
لانها الحاجه اللى مفتقده عندها وعارفه قيمتها ..... السيده الفاضله دى صحيح بتتحرك لان واضح بوجود صعوبه فى الحركه و الكلام

فابتسمت وقلت الله يكرمك ويعزك
بس بينى وبين نفسى قلت سبحان الله دعت باللى حاسه بقيمته عندها اللى انا ممكن اكون بنسى ان لبدنى عليا حق ....

وبروح واجى واختصر فو النوم والصحيان وحاجات كتير

انا واثقه ان كل وواحد فينا قى الدرس بيقابل حاجات زى دى
مستني مشاركتكم