الاعتذار قوه وليس ضعف..؟؟

بسم الله الرحمن الرحيم

السلام عليكم ورحمة الله وبركاته

اسمعوني مليح هذه الحياة .. نعيشوها .. تطل علينا بنهارات سعيدة كيما تمطرنا بأيام حزينة .. نتعاملو معها من مشاعرنا...

فرح , ضيق , حزن , محبة , كره , رضى , غضب ...

مليح أنو نبقى مع اتصال بواش يصرا داخلنا ...
بصح هل هذا يعطينا العذر أون نتجاهلو مشاعر الغير .. ولا نجرحو مشاعرهم .. نتعداو على حقوقهم .. ولا ندوسو على كرامتهم ..؟

للأسف .. هذا واش يديرو الكثير منا ,, يضنو بلي حنا مركز الحياة وعلى الآخرين
أنو يتحملوا الحوايج لي نديروهم ...

ممكن نغلط ,, بصح دائما عندنا الأسباب الي دفعتنا باش نديرو هذا.. وتلقا روحك أبرع لي
يقدم الأعذار لا الإعتذار ...
حنا
ما نعانيوش برك من الجهل بأساليب الاعتذار ,, بصح نتكبرو ونتعالاو ونضنو
انو الاعتذار هزيمة أو ضعف ولا نقص للشخصية والمقام ..تقول رانا عايشين في
حرب مع الغير ..

ونلقاو :.

الأم تنصح بنتها بعدم الاعتذار لزوجها ( باش ما يكبرش راسو ) ...
والأب ينصح الابن بعدم الاعتذار ,, لأنو رجل البيت ما يعتذرش ...
والمدير ما يعتذرش للموظف لانو مقامو مايسمحلوش بالاعتذار ...
والمعلمة ما تعتذرش للطالبة لأون هذا رايح ينقص من احترام الطالبات لها ...
سيدة المنزل ما تعتذرش للخادامة ...
وكاين حوايج بزاف ...

اليوم نلقاو بيناتنا لي يدّعي التمدن والحضارة بقولو كلمات اجنبية
sorry/pardon مثل الاصطدام الخفيف عند المشي ...
بصح كي يظهر الموقف لي يحتاج إلى الاعتذار الحقيقي نشوفو تجاهل...

أنــــا آســـف ...

زوج كلمات علاش ما نقدروش نقولوهم ؟؟

زوج كلمات لوكان نقولوهم بصدق رايح يذوب الغضب ونداويو القلب المكسور ولا الكرامة المجروحة
وتولي المياه إلى مجاريها في بزاف من العلاقات المتصدعة ...
شحال فاتو علينا من مشاكل لي نقدرو نحلوها كون نقدمو الاعتذار .

الاعتذار فن من الفنون

الاتصال الاجتماعية ,, متكونة من ثلاث نقاط أساسية ..

ألاولى : أنو تشعر بالندم بالحاجة لي درتها ...

الثانية : أنو تتحمل المسؤولية ...
الثالثة : أنو تكون عندك الرغبة في إصلاح الوضع ...

ماتنساش أن تبعد من انو تعطي الاعتذارات المزيفة مثل ,, أنا آسف بصح .................؟؟!!

وتبدأ تحكي الظروف الي خلاتك تقوم بالتصرف الي تعرف مليح أنو غالط ...
ولأ تقول أنا آسف لأنك ما سمعتنيش مليح ,, هنا تولي تعاود الغلطة وويشك فيك ...

الاعتذار الصحيح هو الاعتذار بنية صادقة وتعترف بالغلطة لي درتها مع الآخر ...

وياريت تمد شوي من الترضية ,, ولازم يكون الصوت معبر وتاني تعبير الوجه مهم...

كاينة حاجة مهمة لازم تتوله ليها .. هي أنك كي تقدم الاعتذار ماهوش لازم يتقبلو الاخر

أخيراً ...

لي يحوس يولي وحيد يتكبر ويتجبر ويعش في مركز الحياة الي ما يشوفهاش غيرو ...
ولي يحوس يعيش مع الناس يطير بيهم .. ما يطيرش عليهم .. وتعلم فن الاعتذار